Shaip Surdulli: Nën hetime për keqpërdorim të pozitës

  • Saturday, Jun 01 2013
  • Written by 
  • font size decrease font size increase font size

Kreu i Komunës së Kamenicës, Shaip Surdulli, së bashku me dy ish-zyrtarë të lartë komunalë, Hasan Keqmezi dhe Islam Thaçi, janë duke u hetuar nga Prokuroria e Prizrenit, nën dyshimin e shpërdorimit të pozitës zyrtare. Surdulli, ndërkaq ka thënë se padia ndaj tij është bërë në adresë të gabuar.

Kreu i Kamenicës, Shaip Surdulli, së bashku me ish-kryeshefin ekzekutiv, Islam Thaçi dhe ish-përgjegjësin e Prokurimit, Hasan Keqmezi po hetohen nga Prokuroria e Qarkut në Prizren, nën dyshimin se kanë shpërdoruar pozitën zyrtare. Ata po hetohen rreth një tenderi të varrezave të dëshmorëve, që ka vlerën 155.700 euro.

Sipas Prokurorisë së Qarkut në Prizren, hetimet ndaj Shaip Surdullit dhe dy zyrtarëve tjerë, janë duke u zhvilluar në bazë të një kallëzimi penal që ka ngritur policia e Gjilanit, por ende nuk ka të ngritur aktakuzë ndaj tyre. Surdulli ka deklaruar për mediat lokale se hetimi ndaj tij ka të bëjë me një padi që ka ngritur dega e PDK-së në Kamenicë, kinse për punën e kontraktuar më lirë se sa kontrata. Ai ka thënë se padia është e adresuar gabimisht në emër të tij, meqë realisht është dashur të paditet punëkryesi i projektit për varrezat e dëshmorëve, sepse ka neglizhuar me punimet. Megjithatë, kreu komunal në Kamenicë, Shaip Surdulli, ka pranuar se është paraqitur në policinë e Gjilanit, ku ka dhënë dëshminë e tij dhe i ka mohuar të gjitha pretendimet për shpërdorim të pozitës zyrtare. Dërgimi i rastit në Prizren është bërë për ta shmangur konfliktin e interesit. Surdulli nuk është rasti i vetëm në regjionin e Gjilanit, ku kryetarët e komunave po hetohen nga Policia.(Kosova Sot)

Rate this item
(0 votes)
Published in Lajme

Leave a comment

Make sure you enter the (*) required information where indicated. HTML code is not allowed.

Abonohu ne Kanalin ton Muzikore

Kryeminister i Kosoves

Kush mendoni se do të jetë kryeminister i Kosoves, pas zgjedhjeve nacionale në Kosovë?

» Go to poll »
1 Votes left

Në Fokus

LIDHU ME NE

Më te shikuarat gjate javës