10minuta lajme shqip blue1




Verë, flokë të bukura edhe në plazh

16 Jul 2017

Diell, det, plazh dhe erë: janë kushtet ku qetësohemi më mirë gjatë pushimeve. E njëjta gjë ama nuk duhet thënë dhe për flokët tanë.Diell, det, plazh dhe erë: janë kushtet ku qetësohemi më mirë gjatë pushimeve. E njëjta gjë ama nuk duhet thënë dhe për flokët tanë. 

Ekspozimi i gjatë në rrezet e diellit i bën të ashpër dhe të djegur, era dhe kripërat e dehidratojnë dhe e bëjnë të vështirë për t’u krehur. Rezultati është se çdo mbrëmje është gjithmonë e më afër drejt fundit të pushimeve dhe dallohen edhe më qartë shenjat e vuajtjes së flokëve. Por si duhet të kujdesemi për të shmangur dëmet.

Produktet

Gjatë verës janë tre produkte që nuk duhet të mungojnë, balsami, filtri anti UV dhe uji termal. Balsami dhe filtri solar përdoren çdo ditë, ndërsa uji termal, i njëjti me të cilin bëjmë fytyrën, bëhet edhe tek flokët më shumë herë në ditë. Ideale është përdorimi sa herë që kemi nevojë për të freskuar lëkurën.

Duke e hedhur në flokë jep një efekt të mrekullueshëm dhe ndihmon në sistemimin e shpejtë të flokëve rebelë. Filtri solar e ndihmon flokun të mos digjet, ndërsa balsami i aplikuar në fund të ditës e rehidraton dhe u kthen butësinë.

Shampo

Ndryshe nga balsami, shampo përdoret me masë. Në det flokët janë gjithmonë në ujë, kështu që është e pamundur të mos jenë të pisët. Në mbrëmje është e mjaftueshme t’i shplani bollshëm me ujë të ëmbël dhe t’i rehidratoni me balsam. Ndërsa larja me shampo mund të kryhet në ditë të alternuara. Nëse kemi flokë të thatë shampon duhet ta zëvendësojmë me vaj pastrimi, që mund ta blini në farmaci. Shampo në çdo rast duhet të jetë delikate dhe të përdoret në sasi të vogla.

Bishti dhe gërsheti

Janë një tendencë që nuk mund t’i rezistojmë sidomos pasi kemi bërë banjë. Në fakt nuk ka asgjë të keqe, por kujdes të përdorni llastikun e duhur, që të mos i këpusë flokët. Ideale janë ato të mbuluara me sungjer, apo plastike me spirale, që nuk ka probleme edhe nëse lagen. Mjafton të mos i shtrëngojmë shumë dhe të mos i tërheqim flokët.

Ti mbajmë në…hije

Shumë diell u bën keq.

Duhet të mbajmë një shami apo akoma më mirë, një kapele në kokë. Përveçse do i mbajë mirë flokët, do i bëjë hije edhe fytyrës, duke mbrojtur sytë dhe lëkurën në vendet delikate.

Jo tharëse flokësh

Është vapë dhe flokët thahen vetë në ajër. Nëse kanë tendencën të ngecen, i krehim më shumë herë gjatë tharjes. Pamja juaj do të jetë natyrale si i ka hije mbrëmjeve të verë.

Rate this item
(0 votes)

Horoskopi Javor

Horoskopi Javor Ditor

Dashi, Demi, Binjakët, Gaforrja, Luani, Virgjëresha, Peshorja, Akrepi, Shigjetari, Bricjapi, Ujori, Peshqit

 

Muzik Studio Shqip

Abonohu në Kanalin zyrtarë muzik Studio Mbreti Records në Zvicër

play-mbreti-records-muzik-shqip

 

Qëndro lidhur me

10minuta ne Facebook10minuta ne Google Plus10minuta ne Twitter10minuta permes RSS

Abonohu në Kanalet tona zyrtare

Shkarko 10minuta App

shkarko-10minuta-app-storeshkarko-10minuta-app-play-store

10minuta App për iPhone dhe Android