10minuta lajme shqip blue1




​Inter-Milan, një derbi tashmë për Evropën

20 Mar 2017

“Derbi i Madonninës” nuk është vetëm një sfidë 90-minutëshe që përsëritet së paku dy herë në sezon, por këtë vit, nga ky moment e deri në fund të kampionatit italian, pritet që Milani dhe Interi të sfidojnë njëri-tjetrin për një vend në Evropë. 

Një “derbi” shumë i shtrënguar, që pritet të jetojë momentet vendimtare pikërisht në përballjen mes dy skuadrave të të njëjtit qytet të 15 prillit.

Pas barazimit me Torinon, zikaltrit duket se i kanë thënë “mirupafshim” ëndrrës Champions League, e tashmë duhet të shohin edhe pas shpine.Të përforcuar nga fitorja ndaj Genoas, pas tyre gjenden pikërisht kuqezinjtë që besojnë ende.

Barazimi 2-2 ndaj “granatave” ka lënë shije të hidhur në shtëpinë e zikaltërve.

Ecuria e dëshpëruar drejt zonës Champions tashmë duket se është sfumuar. Napoli ndodhet 5 pikë larg dhe me një ndeshje më shumë për të zhvilluar, por mes këtyre dy skuadrave ndodhet edhe Lazio.

Duke qenë se në këtë pikë misioni Champions për Piolin duket i pamundur, ndoshta më mirë është të shohë pas shpine dhe të mbrohet nga “mësymja” e Milanit, që mbetet ende në kërkim të trenit për në Evropë.

Pas fitores ndaj xhenovezëve me gol të Matias Fernandez, “banda” e Montellës vazhdon të shpresojë në sipërmarrjen e pamundur. E për më tepër që përpara kanë “kushërinjtë” zikaltër.

Mes vendit të 5-të të Interit dhe të 6 të Milanit janë vetëm 2 pikë diferencë, ndërsa më 15 prill luhet edhe “derbi” vendimtar.Një përballje direkte që mund të vendosë fatet e sezonit për dy skuadrat milaneze, e për të dhënë një tjetër mënyrë leximi punës së bërë nga Montella dhe Pioli.

Mbi të gjitha për të ardhmen. Për të rikonfirmuar vendet e tyre, të dy trajnerët kanë nevojë për një biletë në Evropë, pa të cilën vështirë se mund të shohësh dritë në fund të tunelit.

Rate this item
(0 votes)

Horoskopi Javor

Horoskopi Javor Ditor

Dashi, Demi, Binjakët, Gaforrja, Luani, Virgjëresha, Peshorja, Akrepi, Shigjetari, Bricjapi, Ujori, Peshqit

 

Muzik Studio Shqip

Abonohu në Kanalin zyrtarë muzik Studio Mbreti Records në Zvicër

play-mbreti-records-muzik-shqip

 

Qëndro lidhur me

10minuta ne Facebook10minuta ne Google Plus10minuta ne Twitter10minuta permes RSS

Abonohu në Kanalet tona zyrtare

Shkarko 10minuta App

shkarko-10minuta-app-storeshkarko-10minuta-app-play-store

10minuta App për iPhone dhe Android